Verenigingen

Jierrenlang hat dizze foto (spitigernôch wat skansearre) yn "Het Lokaal", no It Koetshûs, hongen.De foto is makke by gelegenheid fan in kamp op it Amelân fan de herfoarme (grutte) famkesferiening "Dorcas" yn 1951. Mei de fyts nei Holwert en doe in wike lang op it eilân trochbringe, it moat in hiele belevenis west ha, benammen foar dyjingen dy't noch mar krekt fan de "lytse" nei de "grutte" famkesferiening oergien wiene. Op it eilân wiene folle mear ferienings oanwêzich, in soarte fan "toogdag". De measte fammen ha in sjaaltsje om, dat wie in blauwenien mei in soarte fan ring der omhinne mei it embleem fan de Provinsjale Famkes Ferienings. Dêr siet in giel wapen (as de namme?) op.De nammen binne werjûn mei de namme fan de man tusken heakjes (foar safier bekend). Op de foto klikke en dan nei erfgoedmarkers.